ملک بھر میں آج عید الفطر مذہبی جوش و جذبے کے ساتھ منائی جائے گی

ملک بھر میں عید الفطر مذہبی جوش کو جذبے سے منائی جائے گی۔ ایکسپریس نیوز کے مطابق عید الفطر کی مناسبت سے ملک بھر کی مساجد، عید گاہوں میں نماز کے اجتماعات ہوں گے جس میں بڑی تعداد میں شہری شرکت کریں گے۔ نماز عید کے روح پرور اجتماعات میں امت مسلمہ اور ملک اور قوم کی سلامتی، ترقی اور خوشحالی کیلئے خصوصی دعائیں مانگی جائیں گی۔ اسلام آباد کی فیصل مسجد، لاہور کی بادشاہی مسجد، کراچی کے پولو گراؤنڈ میں نماز عید کا مرکزی اجتماع ہوگا۔جس میں میئر کراچی سمیت اہم حکومتی اور دیگر شخصیات شریک ہوں گی۔ نماز کی ادائیگی کے بعد لوگ ایک دوسرے بغل گیر ہوکر مبارکباد دیں گے۔ نماز عید کی ادائیگی کے بعد بیشتر شہری قبرستانوں کا رخ کریں گے، اپنے مرحومین کی قبروں پر فاتحہ خوانی کریں گے۔ اس کے علاوہ گھروں میں ناشے کے بعد میٹھے کا دور چلے گا اور پھر بچوں میں عیدی تقسیم کی جائے گی، گھروں پر مہمانوں کی آمد و رفت کا سلسلہ بھی وقفے وقفے سے جاری رہے گا۔ عید کی مناسبت سے گھروں میں خصوصی پکوان تیار کیے جائیں گے جبکہ ناشتے میں شہری کچوری، حلوہ پوری سے ناشتہ کریں گے۔ کراچی میں نماز عید کے بڑے اجتماعات نیومیمن مسجد بولٹن مارکیٹ، جامع مسجد آرام باغ، جناح مسجد برنس روڈ، گلزار حبیب سولجربازار، فیضان مدینہ سبزی منڈی، تھانوی مسجد جیکب لائن، مکرانی مسجد، کھتری مسجد، میمن مسجد مصلح الدین گارڈن، جامع مسجد امجدیہ عالمگیر روڈ، ایکسپو سینٹر، خالقدینا ہال، رحمانیہ مسجد طارق روڈ، مسجد بیت المکرم گلشن اقبال، جامعہ مسجد بنوری ٹاؤن، دارالعلوم کراچی، جامعی اسلامیہ کلفٹن، مسجد ابو بکر کلفٹن، سبیل والی مسجد سلطان مسجد ڈیفنس، مدنی مسجد عزیزآباد، فاروق اعظم مسجد نارتھ ناظم آباد، طوبی مسجد ڈیفنس، جامع مسجد کنزالایمان گرومندر، عالمگیر مسجد، جامع مسجد طیبہ، سفید مسجد،جامع مسجد رحمت اللہ والا ٹاؤن، جامع مسجد طیبہ پی ای سی ایچ ایس، رحمانیہ مسجد طارق روڈ، جامع مسجد مکرانی، جامع مسجد کھتری، کھتری مسجد، فاران مسجد سمیت دیگرمساجد اور امام بارگاہوں میں ہوں گے۔ دوسری جانب شوال کا چاند نظر آنے کے بعد شہر کی مساجد میں بیٹھے ہوئے افراد نے اعتکاف مکمل کرلیا۔رمضان کے آخری روزہ کے موقع پر مساجد میں خصوصی دعائیں کی گئیں۔ کئی مساجد میں افطار کا انتظام کیا گیا۔عید کے تینوں ایام میں گھروں میں دعوتوں کا اہتمام کیا جائے گا۔لوگ ایک دوسرے کے گھر جائیں گے۔عید مبارکباد دیں گے ۔کئی شہری تفریح گاہوں اور ہوٹلز کا رخ کریں گے۔ رات گئے شہر کے شاپنگ سینٹرز میں خریداری کا سلسلہ جاری رہا۔عید کے موقع پر سیکورٹی کے خصوصی انتظامات کیے گئے ہیں۔  

from The Express News https://ift.tt/N9JPWHa