جڑانوالہ میں بس اور رکشے میں تصادم سے 8 افراد جاں بحق

پنجاب کے علاقے جڑانوالہ لاہور روڈ پر ٹریفک حادثہ میں 8 افراد کے جاں بحق ہوگئے۔ تفصیلات کے مطابق جڑانوالہ لاہور روڈ پر بس اور رکشے کے درمیان تصادم ہوا جس کے نتیجے میں 8 افراد موقع پر جاں بحق اور 8 زخمی ہوئے۔ واقعے کے بعد ریسکیو 1122 کے رضاکاروں نے جائے وقوعہ پہنچ کر لاشوں اور زخمیوں کو تحصیل ہیڈ کوارٹر جڑانوالہ اور الائیڈ اسپتال منتقل کردیا۔ پولیس کے مطابق جاں بحق اور زخمی ہونے والے افراد میں خواتین، مرد اور بچے شامل ہیں۔ پولیس کے مطابق جاں بحق ہونے والے افراد لوڈر رکشہ میں سوار تھے اور تمام افراد کا تعلق ایک ہی خاندان سے ہے۔ آر پی او فیصل آباد ذیشان اصغر نے واقعے کا نوٹس لیتے ہوئے سی پی او صاحبزادہ بلال عمر سے رپورٹ طلب کرلی۔ انہوں نے ہدایت کی کہ تمام زخمیوں کو طبی سہولیات فراہم کی جائیں۔ آر پی او نے سینئر افسران کو جائے وقوعہ کے دورے کی ہدایت کرتے ہوئے حادثے کی ہر پہو سے تفتیش کا حکم دیا اور کہا کہ شہریوں کو محفوظ سفر فراہم کرنا پولیس کی اولین ذمہ داری ہے۔ دوسری جانب وزیر اعلی مریم نواز شریف نے جڑانوالہ ٹریفک حادثہ میں قیمتی انسانی جانوں کے ضیاع پر گہرے دکھ و رنج کا اظہار کرتے ہوئے سوگوار خاندانوں سے دلی ہمدردی و اظہار تعزیت کیا۔ وزیر اعلی مریم نواز شریف کا زخمیوں کو بہترین طبی سہولتیں فراہم کرنے کا حکم بھی دیا۔  

from The Express News https://ift.tt/QRg6w2C