کراچی: پولیس نے خواتین سے ڈکیتی کی وارداتوں میں ملوث میاں بیوی کو گرفتار کرلیا۔
پولیس ذرائع کے مطابق لانڈھی پولیس نے تیکنیکی بنیاد پر موبائل ٹریسنگ کی مدد سے خواتین سے لوٹ مار کی وارداتوں میں ملوث میاں بیوی کو گرفتار کرلیا۔
پولیس نے ملزمان کے قبضے سے خواتین سے چھینے گئے 76 بیگ، اسلحہ، 4 موبائل فونز اور اے ٹی ایم کارڈز برآمد کرلیے۔
پولیس کے مطابق گرفتار جوڑے کی شناخت پلوشہ اور اس کے شوہر شہریار کے نام سے کی گئی جو کہ موٹر سائیکل پر سوار ہو کر راہ چلتی خواتین سے اسلحے کے زور پر پرس چھین کر فرار ہوجاتے تھے۔
دونوں میاں بیوی کی لانڈھی کے علاقے میں ایک راہگیر خاتون سے پرس چھین کر فرار ہونے کی فوٹیج بھی منظر عام پر آئی ہے۔
ملزمان کی گرفتاری تکنیکی بنیادوں پر موبائل فون ٹریسنگ کی مدد سے عمل میں لائی گئی۔
The post کراچی: خواتین سے ڈکیتی کی وارداتوں میں ملوث میاں بیوی گرفتار appeared first on ایکسپریس اردو.
from ایکسپریس اردو https://ift.tt/G4DNSiX
Post A Comment:
0 comments: